左試右試的吳千語，對住塊鏡照完又照，勁悠閒！

林峯跟吳千語拍拖以來愛得義無反顧，對女友更是照顧周到，難怪有指千語BB拍拖後突然升呢，入住豪宅兼手挽名貴手袋。日前千語BB瞓醒覺及歎下午茶後，即如闊太出巡般單拖往中環名店掃貨，當日下午約4時，穿上白色衫襯Leggings的千語，先到鞋店揀鞋，數名店員對她服侍周到，她入內未夠廿分鐘即有斬獲。

左試右試的吳千語，對住塊鏡照完又照，勁悠閒！

店員殷勤地為吳千語開門及拎戰利品上車，夠晒Face！

升呢做林峯女友的千語睇啱就買，毫不手軟地取出信用卡簽帳，離開時，一名店員開定門送她出外，另一名店員則幫手拎戰利品上車，認真有派頭！