偉仔邊行邊護住太太劉嘉玲，Sweet爆！

梁朝偉與太太劉嘉玲抵達康城後，即趕往與奧斯卡大導兼大會評審李安晚飯敍舊，座上客還有監製施南生及內地男星陳坤等。李安離開時看見大批記者冒雨守候，即停步受訪，他表示很想念偉仔，二人閒話家常，但未有傾談合作計劃，他還透露曾與章子怡見面，但未有機會詳談。

偉仔邊行邊護住太太劉嘉玲，Sweet爆！

合照時，偉仔與嘉玲拉着施南生做「電燈膽」。

與偉仔敍舊後，李安心情大好。

陳坤一支箭上車，未有受訪。

其後，偉仔、嘉玲與施南生步出餐廳，一身高貴打扮的嘉玲依然風騷，相反未有換衫的偉仔則疲態畢現，更滿面鬚根，問到會否周圍玩，他說：「我係嚟支持佢哋套戲。（同嘉玲夾定戰衣？）吓？唔使啩！（今年唔拍戲？）係呀！休息吓！」心情大靚的他，讓嘉玲與施南生先登車，不介意冒雨等了一會，還笑說：「呢個情形梗係避雨先！」隨即戴上風褸帽，又化身「一代宗師」慢步任影，上車後再揮手講Bye Bye。

此外，嘉玲的「爭標」電影《過客》長逾兩分鐘的預告片昨日曝光，見她跳社交舞時相當投入，相反陳坤未有太多發揮。