采妮參與武林盛會

甄子丹、楊采妮、王寶強和白冰合演、陳德森執導的英皇電影《一個人的武林》，是向一班多年來在動作電影出過力的同行及前輩致敬之作。片中楊采妮飾演女督察查案，甄子丹則從旁協助找出真相。問到為何打算以此向一班動作電影前輩致敬？陳德森說：「香港多年嚟嘅動作電影喺世界上佔咗重要嘅地位，希望藉呢部電影邀請一班動作片前輩演出，以示致敬。由於唔少前輩級演員都收咗山，所以要逐個邀請，但都要睇佢哋嘅意願，人數太多未能盡錄。」

由於電影意義重大，很多動作電影同業都大表支持，陳德森說：「非常感謝一班動作指導，好似唐季禮、董瑋、林迪安、熊欣欣、袁祥仁、元彬、李忠志同埋甄子丹嘅支持，佢哋一呼百應，畀咗唔少寶貴意見。」

計劃慈善首映

陳德森表示今次能與甄子丹合作實屬緣分：「原本佢個檔期有電影喺身，但個劇本未有住。我知佢有呢個空檔，我即刻約佢出嚟傾吓我呢個劇本，佢聽到都非常鍾意，於是接咗。」對於被指以「友情價」演出，甄子丹透過發言人說：「子丹同陳德森係老友，朋友梗係有商量。但片酬幾多係商業秘密，唔方便透露。」另外，為喚起大家關注動作電影業界的保障，陳德森計劃舉行慈善首映。