黃日華（右）和張兆輝均指飛紙仔令演員缺乏時間準備。

鄧萃雯鬧爆「飛紙仔」致《金枝慾孽貳》收視低迷，黃日華昨日稱亦曾跟《金》編審周旭明合作：「飛紙仔我哋係第一代！（唔明對白？）我哋時裝戲清晰啲。（雯女鬧冇時間準備！）每個人都有困難，諗自己都要諗對方，發洩係應該。作為藝人有晒劇本對自己有把握啲，飛紙仔我由廿年前到依家都完全唔接受！」

黃日華（右）和張兆輝均指飛紙仔令演員缺乏時間準備。

而張兆輝則認為無綫現時缺乏編劇人手，工作人員未有足夠時間創作：「令演員冇時間準備！（有冇睇《金枝貳》同《神探高倫布》？）我好少睇電視。（收視跌至18點！）唔會啩！無綫屹立多年，好多嘢都拍過，觀眾太聰明，覺得冇新意，但創新啲又話係咪咁o架？做老闆都幾難適應客仔嘅要求。」