繼日前與《金枝慾孽貳》編審周旭明隔空開火，前晚鄧萃雯再被同劇演員「孤立」，劇組大搞飯局和K局，伍詠薇、蔡少芬（Ada）、陳豪、葉翠翠、楊秀惠、黃德斌和簡慕華，連已離開無綫的監製戚其義亦有出席，偏偏不見雯女。飯局上眾人團結合照，伍姑娘和Ada更搞笑地鬥胸大。而伍姑娘老公練海棠搭着梁嘉琪和楊秀惠等扮享齊人之福，伍姑娘即攬實關禮傑等「反擊」，打成一片。

至於德斌昨日受訪時更對雯女「踩多腳」，對於雯女指沒有劇本，他說：「我唔知佢用咩角度睇，出發點係乜！如果係For宣傳就麻麻哋，套劇同九年前嘅團隊一樣，一樣飛紙仔，當時又咁成功？仲創造如妃呢啲角色！（佢話年紀大唔可以冇劇本？）咁應該一早講，唔可以出街一半先講。」而關禮傑則保持中立：「雯女係好尊重職業嘅人，可能講者無心，佢修養OK。」伍姑娘接受電話訪問時說：「每個人都有表達自己態度嘅權利，冇話邊個啱邊個唔啱。」