城城Lynn仲做到好友

郭富城、張震、任達華、李心潔、古巨基、內地影星夏雨與首次執導的楊采妮前晚出席電影《聖誕玫瑰》首映，城城被問到舊愛熊黛林（Lynn）暗示「天王嫂」唔易做，過去七年相當委屈，他說：「關於阿Lynn嘅報道我都唔會回應，已經係告一段落嘅事，報道有機會有歪曲，但點都好阿Lynn喺我心目中都係好朋友。」問到城媽可有催他搵女朋友？城城說：「媽咪唔會講呢啲嘢，佢知我有諗法，又係工作狂。有得就有失，人生就係咁，同埋家姐哥哥都有孫畀媽咪抱啦！」他又大讚夏雨是魔術高手，但他卻未能學番一招半式氹女仔，還表示希望一嘗導演滋味。