吳雨霏翹實爸爸,兩父女不時有講有笑。

吳雨霏(Kary)前晚一家四口為父親慶祝生日,男友余文樂因身在外地未有赴會,但其「未來外父」卻開腔力撐樂仔,粉碎不滿樂仔的傳言,為愛女的戀情大開綠燈!

吳雨霏翹實爸爸,兩父女不時有講有笑。

家境富裕的Kary與余文樂拍拖後,即打得火熱,不過,外間一度傳出因樂仔未有第一時間公開女友地位,令Kary的父親相當不滿。Kary一家前晚為父親慶祝生日,全程未見樂仔現身。

Kary微博晒愛

當晚八時,Kary翹實父親現身銅鑼灣,她遇見記者時即大方透露當日是父親生日,但被問到樂仔會否一齊慶祝時,兩父女均未有回應,並步入Kary和樂仔早前曾撐枱腳的大廈。兩人會合早已到場的母親及妹妹,全家盡情地大吃一餐,期間,Kary上載與父母的合照至微博,並留言:「昨天是母親節,今天是爸爸生日,沒有你們,沒有我,I Love You!」相中的她作狀親吻母親,一家三口相當溫馨!

至晚上10時,Kary母親及妹妹先行步出,不習慣面對鏡頭的兩人顯得相當怕醜,不時遮面避鏡頭,數分鐘後,Kary及爸爸亦相繼離開。雖然樂仔未有出席,卻獲吳父出言力撐,吳父接受本報訪問時說:「以我所知樂仔唔喺香港,如果佢喺香港我都會邀請佢。再次重申,我從來冇唔鍾意余文樂,總之個女鍾意我就鍾意!」另外,昨晚有網友看到余文樂現身德國機場,並與粉絲大方合照,看來離港多日的他,非常心急回港會女友!