莊思敏又Feel不到有人追，莫非嫌葉念琛未夠落力？

莊思敏將於新片中與沈震軒有車震戲，更有一場僅穿胸圍底褲色誘陳奐仁的場口，她笑言為求安心，會要求陳太監場。至於與導演葉念琛的緋聞，她再三否認，只認朋友階段，呼籲追求者要主動。

莊思敏又Feel不到有人追，莫非嫌葉念琛未夠落力？

沈震軒與連詩雅出席新片開鏡。

公認為「執生王」的Bob（右起）講咗啲咩，搞到Dominic望實顧住撥髮的松岡？

Paco與陳奐仁等主持切燒豬儀式。

莊思敏、連詩雅、松岡李那、陳奐仁及組合As One等昨日出席新片《溝女不離3兄弟》開鏡儀式，穿性感開胸裝露東西半球的莊思敏，因近日與該片導演葉念琛鬧緋聞，輕易成為焦點。對於緋聞男友安排她與沈震軒激吻，莊思敏說：「應該係車震，底線？唔係真做就得，仲有一幕我色誘陳奐仁，到時只着Bra同底褲。（唔驚佢老婆呷醋？）我要求佢老婆監場，咁會放心啲，唔使之後解釋。」談到與葉念琛的緋聞，她指只是住得近的朋友，感覺不到有追求之意：「冇諗太多。（之前林忠豪你都話唔覺？）後來先Feel到，所以有興趣追求嘅就做多啲啦！呢方面我好遲鈍。佢（葉念琛）係個可以食飯嘅朋友！」葉念琛亦異口同聲否認與莊思敏是拖友：「邊係女友？亂講！」

松岡唔教林德信咀

松岡則以「瘋狂」形容日前與糖妹男友何浩文（Dominic）的街頭激吻戲，談到糖妹因此呷醋，松岡疑惑地說：「係咩？我哋都係工作，糖妹係一個好Sweet同Cute嘅女仔，但如果同佢解釋會奇怪。」對於緋聞男友林德信於另一電影不乏激吻戲，更笑言經驗不足，有意找她當教師學接吻技巧，松岡即說：「唔覺得佢會咁講，我唔係嗰類型老師，教唔到佢。」另外，有指連詩雅乃取代車禍意外身亡的陳僖儀擔任女主角，她表示不知情，也不會向導演求證。