琦琦受母愛感動 祝福「女神」

琦琦昨晚出席《TOD'S》活動時，問到可有留意安祖蓮娜切除兩邊乳房組織？她說：「嘩！聽到都毛骨悚然！女神點解咁？真係可惜，我都幾鍾意佢。」其夫任達華曾與安祖蓮娜合作拍電影，她說：「老公讚佢專業，吊威吔吊足兩日都冇怨言，依家惟有送上祝福。母愛真係偉大，為咗仔女無條件付出，佢無私嘅愛令我非常感動。」同場的謝婷婷和「紅姑」鍾楚紅均大讚安祖蓮娜偉大和勇敢，紅姑說：「佢咁做係為小朋友，佢叻同靚都唔及佢嘅大愛咁受尊敬。」婷婷說：「佢咁做真係偉大同埋正面。（佢咁性感，可惜？）性感唔係在於着唔着衫，我就冇佢咁嘅勇氣，佢都係為佢嘅仔女着想。」另一邊廂，鄺美雲昨日出席另一活動，卻表示不認同安祖蓮娜的做法。