樂瞳於捷克試飲當地充滿鐵銹味的溫泉水。

無綫藝人樂瞳去年忙拍劇忙得不可開交，早前她放了一個多月大假，與讀書時期的室友一同到歐洲遊歷兩星期。初次到東歐旅行的樂瞳相當興奮：「以前喺英國讀書，考完A-Level後，決定同室友去歐洲畢業旅行，點知呢個願望等到十年後先可以實現！」短短兩星期，樂瞳與朋友遊遍匈牙利、英國、捷克、奧地利及法國五個地方，認真流連忘返！

樂瞳於捷克試飲當地充滿鐵銹味的溫泉水。

不過，兩個女孩膽粗粗到歐洲這麼遠的國家，當然也擔心安危，樂瞳更差點被偷東西，幸她夠機警：「喺法國地鐵站，我個袋冇拉拉鏈，有個人想嚟偷嘢，我使出獅吼功大嗌，佢先走咗！」不過，她事後回想也怕錯怪好人：「後來我諗番，怕佢只係想提我拉番個袋拉鏈，但我朋友話我好傻，因為嗰個人都伸到隻手落個袋度！」提到名勝，樂瞳表示曾到位於捷克的卡羅維法利溫泉，並喝當地充滿鐵銹味的溫泉水：「我覺得呢個地方幾有特色，嗰度嘅溫泉水有唔同度數，愈唔熱愈有療效，但就愈難飲，有鐵銹嘅味道。」