以一襲紅裙登場的紅姑明艷照人，但即場「落閘」，揚言拒絕追求者。

鍾楚紅昨日以一身火紅裝束出席活動，提到近日被拍得與男士「約會」，她即扁嘴大呻朋友怕了她，又指該男士只是朋友，現時仍未能接受異性追求！

以一襲紅裙登場的紅姑明艷照人，但即場「落閘」，揚言拒絕追求者。

紅姑收花勁冧，忍不住聞一聞。

紅姑呻朋友怕上鏡，不敢約她。

鍾楚紅（紅姑）身穿紅色Deep V長裙出席健康產品活動，散發迷人氣質，她還即場獲贈一束鮮花，湊巧紅姑近日被拍得與一名男士共進晚餐，當晚更拿着一束花，因而傳出緋聞。問到最近是否經常收花？她說：「我唔使收花！我成日自己買花。（當晚收花特別Sweet？）唔係，我見到花就Sweet。（嗰位男士係咩身份？）識咗好耐，係男性朋友。」她又扁嘴大呻：「佢係最後一個畀你哋影到，我冇晒朋友喇！佢哋怕咗我！」

問到是否被朋友投訴？她無奈地說：「所以成日見我一個人囉！難得有朋友肯同我食飯，但被寫到咁曖昧，話我嘴角含春，冇咁核突！」她坦言有很多朋友愛錫，但替他們可憐：「佢哋話同我一齊冇好日子過。」

與貓「二人世界」

至於與該男士可有發展機會？她強調二人只是朋友：「好多朋友講明唔同我去街，你哋寫乜，佢都冇得反駁。（如果肯同你去街，唔怕畀人影，先係真正追求者？）我未接受到畀人追，依家生活好正，好享受一個人同隻貓生活。」又指有家人相伴不覺得悶，日後亦不會為避記者而刻意邀請朋友造訪其家。