楊秀惠揼本孝敬阿媽

無綫藝人楊秀惠及陳庭欣昨日出席母親節活動，對於鄧萃雯喪插《金枝慾孽貳》「冇劇本」，楊秀惠說：「我知故事發展，我係普通配角，易明啲，三大女主角戲份重，要時間了解。（收視得19點？）戲肉嚟緊，收視會升！（幫手拍解畫宣傳片谷劇？）加咗解說觀眾易明啲。」她又表示早前返馬來西亞與母親預祝母親節：「我擺低舊錢等妹妹同媽咪行街買嘢，舊錢OK大，買凸再補囉！」至於陳庭欣則表示，今天母親節會留家與媽媽一同享受下廚樂。