Hardpack四子為告別騷落力演出，給歌迷留下美好回憶。

樂隊Hardpack出道12年，前晚舉行「退役騷」，獲大批圈中好友見證。四子連環爆粗，台下歌迷不斷「插水」，連嘉賓鄧建明都忍不住爆粗贈興！

Hardpack四子為告別騷落力演出，給歌迷留下美好回憶。

超儀忘我獻唱，盡顯野性一面。

Joey Tang（中）唱得興起時突然爆粗。

陳奕迅專誠支持Hardpack。

劉浩龍（左）跟阿徐睇得入神。

森美無啦啦在台上打開心口，High到爆！

樂隊Hardpack前晚在九展舉行告別演唱會，四子成軍12年，終須各散東西，不過最後一場演唱會獲大批圈中好友捧場，包括陳奕迅（Eason）、徐濠縈、郭偉亮、葉佩雯、劉浩龍、梁漢文、鄭希怡及吳彥祖等，嘉賓則有何超儀、森美、鄧建明（Joey Tang）和樂隊LMF，可見四子人緣甚佳。

超儀忘我「露底」

Hardpack大唱粗口歌，絕不令人意外，想不到連Joey Tang上台時亦爆粗贈興：「Ｘ你老Ｘ！做乜解散？」超儀亦忘我獻唱，更不慎「露底」兼大叫：「What The Fxxk！」歌迷亦相當盡興，不斷在台下跳上跳落玩「插水」。直至個唱中段，與車禍過身的歌手陳僖儀（Sita）老友鬼鬼的鼓手Kevin說：「失去呢個朋友對我好大打擊，本來佢應承今晚嚟，可惜嚟唔到，大家要珍惜身邊有嘅嘢！」

為搵兩餐晏仔

眾人唱到凌晨12時才完場，四子眼濕濕攬作一團，含淚答謝歌迷。他們受訪時表示當Fans是朋友，但為了生計不得不「光榮退役」:「每次夾Band都搞到好夜，但長大咗都要搵食。」