羅力威早前因黑面而被公司訓斥，昨日則有所改善。

羅力威與緋聞女友雨僑早前被拍得遊日返港，兩人感情似乎大有進展！羅力威昨日錄影《勁歌金曲》時透露，將來結婚定必會公開接受祝福，並力撐日前被拍得食相欠佳的雨僑。

羅力威早前因黑面而被公司訓斥，昨日則有所改善。

女新人J.Arie出席《勁歌金曲》錄影。

早前雨僑與羅力威「蜜遊」日本，兩人的關係愈趨明朗化！

歌星羅力威昨午到將軍澳電視城錄影《勁歌金曲》，其緋聞女友雨僑則在晚上才錄影，避過碰面的尷尬情況。羅力威說：「唔知喎！工作係公司安排，如果工作需要同台都冇所謂。」

黑面被訓斥

問到與雨僑遊日，可有被公司「照肺」？他說：「咁又冇，反而公司話我見到記者嘅態度唔係咁好，叫我應該大方啲。（繼續否認拍拖？）呢啲係兩個人嘅事。（感情事唔會再咁避忌？）之前都唔係避忌，只係一向都想低調。」

最近發生不少事情令羅力威感到沮喪，如早前四川地震，令他倍感要珍惜身邊人，並表示將來一定會結婚。問到雨僑是否其結婚對象？他尷尬地表示將來再說，但強調結婚定會公開，並接受大家祝福。提到雨僑被拍得食相欠佳？他肉緊力撐：「冇問題呀！我哋都係普通人啫！」