穿上背心裙的千語，輕騷美腿。

林峯與女友吳千語愛得癡纏，但日前竟有傳千語與男友人Jimmy密會！前晚，兩人同場卻互當透明，千語行騷時更不慎失魂差錯腳，而Jimmy則低頭玩手機，相當避忌！

穿上背心裙的千語，輕騷美腿。

千語行騷時特意避開緋聞男友Jimmy（箭嘴示）。

千語與Rick Chin（左一、二）大玩Skywalk！

無綫小生林峯與女友吳千語看似「打風都打唔甩」，但有指千語早前與雜誌編輯Jimmy密會，令阿峯相當不滿，千語其後在微博澄清。前晚，千語為時裝品牌行騷，Jimmy亦在場，她特意走開又避開眼神接觸，更一度「差錯腳」，並在未拍攝大合照的情況下錯返後台，相當失魂！另一邊廂，Jimmy不時低頭玩手機，只曾抬頭望一望千語。

半天吊玩Skywalk

事後，千語表示因舞台不夠光才差錯腳，並強調與Jimmy是好友，而阿峯亦對她絕對信任：「我哋每日都知對方行程，同邊個一齊，佢都知我同Jimmy係朋友，對我好放心！（減少見面？）大家都有另一半，冇咩好誤會！（你激動澄清？）唔係，佢（Jimmy）唔係呢行，見佢畀人咁寫有啲無奈。」

此外，千語與化妝師Rick Chin昨日到訪澳門高338米的旅遊塔，為nowTV節目拍外景，兩人冒着風雨玩Skywalk，並危坐塔邊，雙腳離地，狀甚驚險！千語透露已簽下「免責書」，問到日後若有機會，會否在「受益人」一欄寫上林峯的名字？她表示只會寫家人，阿峯暫時未屬家人圈子，至於會否叫他寫自己？她又表示不會問男友會否填上她的名字：「唔需要用咁嘅方法去證明（愛），有咁嘅諗法好恐怖！」