陳茵媺一提陳豪即冧笑，又風騷四圍握手，難怪被指好事近。

蜜運兩年的陳茵媺與陳豪，頻頻傳出婚訊，對於男友花三千多萬買屋築愛巢，茵媺昨日冧笑表示「唔知」，當問到是否已求婚？她更含春笑住默認：「呢啲唔應該問女仔。」

陳茵媺一提陳豪即冧笑，又風騷四圍握手，難怪被指好事近。

陳豪被指置業築新愛巢。（設計對白）

陳展鵬與李詩韻與綵排飄色的隊伍合照。

張國強與朱璇起舞，勝在搞笑。

黃浩然戴上鬈毛假髮，大受長洲街坊歡迎。

（右起）岳華、蔣志光

無綫多位藝人陳茵媺（Aimee）、黃浩然、陳展鵬、張國強、李詩韻、蔣志光、羅鈞滿及趙永洪等，昨日拉隊到長洲宣傳新劇《情越海岸線》，劇集將承接收視欠理想的《神探高倫布》，一眾演員不表擔心，Aimee認為最緊要是口碑，亦不會與《神》劇比較，展鵬則力撐《神》劇：「劇集唔可以永遠相同題材，今次睇得出無綫想改變。」

對於有指陳豪買3,300萬元獨立屋築愛巢，Aimee聞言冧笑表示「咩都唔知」，她說：「戥佢開心。（想配鑰匙畀你做女主人？）唔知點答。（你有份？）我咩都唔知。（期待？）Let it flow。」她直言男友有提及睇樓一事，問到會否管他的財政？Aimee說：「做咩要管佢啲錢？未去到嗰個位，要係第二個身份先得。」說時繼續笑到瞇眼，即被追問陳豪是否已求婚？Aimee即嘴角含春，甜笑默認：「有冇都唔話你知，呢啲唔應該問女仔。」似想留待由男友公布「喜」訊。對於陳豪參演的《金枝慾孽貳》收視低迷，剛從馬來西亞返港的她表示稍後會捧場追看，又忍不住冧爆大讚男友是個穩定及可塑性高的演員。

黃浩然湊仔打孖上

至於已為兩子之父的黃浩然，指細仔Ransley昨日滿月，打算只跟家人食飯慶祝。忙湊仔的他強調暫時不會追女：「啲愛都唔知點分配，上一胎頭四個月都要返工，冇經歷過湊仔過程，今次有大仔又有細仔，好似雙倍奉還！」