杜平金婚近百好友到賀

離港三十年的EYT開國功臣、77歲的杜平和太太前晚在港舉行50周年金婚晚宴，杜平表示全家專程從澳洲返港，與約百名相識40年的老友相聚，圈中好友包括朱潔儀、吳雨、許冠文、胡楓、薛家燕、謝賢及李添勝等均有出席。問到夫妻相處之道？杜平稱最緊要容忍及逆來順受，他說：「多年來我Feel到都仲係咁Sweet，另一半就唔知，但依家都有拖手出街，大家互相扶持。（老婆做過咩令你最感動？）冇乜特別，互相關懷已經好感動。」童年時便認識杜平的家燕姐說：「我睇住佢哋拍拖，嗰時我仲坐杜平哥哥大髀睇大戲，佢好Nice。」朱潔儀表示不時飛往澳洲，幫襯杜平開設的餐廳，她說：「我上網摷番Uncle拍粵語長片時嘅相，佢超瘦、好靚仔，骨架好型好高，我諗住摷畀佢睇。」許冠文則笑稱要錫二人作賀禮。