陳山聰與超雲拍拖時不愁衣食，但分手後令人擔心其生計。

陳山聰與何超雲分手後，雖然豪門夢碎，但昨日終於走出陰霾，以WhatsApp回覆本報，並附上笑臉，而近年於電影界吃得開的蕭定一則雪中送炭，願以100萬片酬邀請山聰全裸演出，力撐失「雲」山聰浴火重生！

陳山聰與超雲拍拖時不愁衣食，但分手後令人擔心其生計。

蕭定一願意在新片加插新角色給陳山聰。

王大業表示會問候超雲，但指與陳山聰不是朋友。

陳山聰箍煲失敗，前日由英國獨自返港，在機場即使面對半百記者追問，亦避談感情事，他昨日在家中閉關，本報以WhatsApp問他「一切安好？」，他以「感謝你」，並附上一個笑臉作回覆，相信已逐步走出情傷陰霾，重過新生。

男人角度睇有Guts

山聰感情失意，事業隨即露曙光，電影公司老闆蕭定一昨日表示願出100萬片酬，力邀山聰全裸演出新片：「我願意出100萬邀請佢，唔只露股，而係全裸演出我哋10月開拍嘅新片《一路向西2之泰西》，雖然套戲角色定好晒，但我哋願意為佢加插一個泰國深度旅遊嚮導嘅新角色，呢個角色需要真人示範去試嘢，以佢外形，呢100萬絕對值得畀，係唔知佢會唔會嫌棄？（你同佢熟至諗計幫佢？）我唔識佢喎！但以男人角度睇，呢個男人好有Guts，何超雲唔係人人敢追㗎！佢雖然分咗手，但冇自卑，仍然有心想做，我相信我哋公司嘅導演都有興趣搵佢合作，佢有話題性嘅！」

電影《一路向西》去年收近2,000萬票房，電影公司早前決定開拍續集《一路向西2之泰西》，更傳邀請前日本女子組合AKB48成員橘梨紗（高松惠理）全裸演出。電影《一路向西》故事主要講述男主角北上的經歷，並邀得多位「胸器」如，模何佩瑜（Jeana）、張暖雅及內地艷星王李丹妮等瞓身演出。

王大業唔方便講嘢

此外，超雲前度男友皮草業太子爺王大業表示，閱報才知「山雲戀」玩完：「我睇報紙先知，都係嗰句，等佢（超雲）返嚟你哋搵番佢，我唔方便講說話。（傳過你唔鍾意山聰？）報道寫啫！我又唔識佢，我對事不對人。」他又指與超雲分手亦是朋友：「有機會我會問候佢，但我哋冇共同朋友，比較少啲聯絡，冇事唔會煩佢。」

網友鼓勵先減肥

超雲跟陳山聰的兩年情結束，不少網民對此議論紛紛。有網友在超雲的微博上留言力撐：「超雲做得好，支持你，你會找到更好的。」、「加油，向前走！」亦有網民在「失雲」山聰微博上留言，勉勵他「減肥」振作：「我哋同你唔識，也都想你好。你減住肥先啦，你睇你依家嘅樣，臉咁大。振作啦！」、「走自己的路，愛情也好，起碼瘋狂了一回，值！」、「別介意別人怎樣說你，支持你！」