千語當嘉桓透明

林峯日前被《好報》獨家踢爆在半山租下豪宅，準備與女友吳千語同居試婚，惟千語昨晚出席活動仍死撐否認。她前晚出席活動時，與阿峯緋聞舊愛陳嘉桓（Rose）尷尬撞到正，即被助手火速拉走避過合照。

吳千語、陳嘉桓、冼色麗及黃百鳴昨晚於大埔亞視總台出席第十屆全球華語大學生影視獎頒獎典禮，林峯正印女友千語及緋聞舊愛Rose同場自然成為焦點。身穿紅色裙騷長腿的Rose先到場，提及將會見到情敵千語，Rose即說：「點會係情敵？假0架！我都唔識佢（千語）！（林峯有冇同你講七次愛你？）我哋只係拍過一次MV，冇特別傾偈，我好愛我自己。（好肉麻？）唔知，問番應該答嘅人。」問到會否介意與千語合照？Rose提議邀請師傅一同拍照，此時千語到場，其助手發現Rose在場即與她耳語，並拉她離開，場面尷尬。Rose則表示身邊已有很多朋友，不需要認識新朋友：「有合作先識啦！我夠晒朋友！」

黃百鳴笑「七愛」似粗口

其後千語解釋避與Rose合照時支吾以對，問到是否認識？她說：「公開場合見過幾次面，傾過一、兩句偈。（搞到Rose尷尬？）我冇睇到，只係見到一眼佢喺右手邊。」對於再有新花名「七愛」？千語表示得啖笑，身旁的黃百鳴笑說：「BB好聽啲，我叫隻狗都係BB，親切啲，七愛似粗口。」對於林峯被《好報》獨家踢爆豪租半山愛都大廈，準備與千語試婚，她死撐否認同居，解釋只是有朋友在附近居住：「冇同居！咁啱去探朋友咋！佢（林峯）唔喺香港，都冇去嗰度！」其後錄影期間，Rose落台時適逢千語準備上台，兩人擦身而過但沒有打招呼。

另外，同場的亞姐許瑩以一身黑色性感晚裝艷壓全場，她笑言也覺胸前坦蕩蕩：「都有啲唔好意思，我唔想搶人鏡，鍾意端莊大方。」