琦琦名牌童裝贈Lisa S.

琦琦日前出席網站BKRM活動時表示，剛與老公任達華從英國回港，在當地品嘗美食兼欣賞足球賽事，盡享二人世界，幸女兒任晴佳沒有詐型。他們自言是廿四孝父母，每天都會在女兒放學後以視像通話，並Send照片給她，更買了不少女兒至愛的書本：「佢好鍾意睇書，我哋買咗好多書畀佢睇之餘，又買咗成盒糖，佢好乖，會同朋友同同學仔分享。」她表示7月會與囡囡到英國學騎馬：「佢今次冇得去，7月去番當補數，佢好鍾意騎馬，喺維也納都有學過，但返香港就冇時間去學。」

她表示正籌備購物網站，對於好友Lisa S.即將分娩，她早已想好禮物：「到時佢哋會搞Baby Shower，Lisa S.好鍾意名牌小朋友衫，但Daniel（吳彥祖）唔想咁物質化，唔准佢買，惟有我送畀佢啦！」問到郭富城與熊黛林的「分」訊，她則表示自己對愛情也看不通，本以為他們會開花結果，最終分手收場也感到可惜，作為朋友只好支持他們決定，寄情工作是最佳療情傷方法。