城城祝舊愛幸福 苟芸慧撩Lynn講清楚

郭富城與熊黛林（Lynn）及苟芸慧的三角關係沒完沒了，苟姑娘連日亮相，昨日脹爆現身纖體活動，自言因近日獲不少朋友請食飯所致，但不包括城城在內。談到Lynn曾稱不介意同場，苟姑娘亦唔執輸說：「我都唔介意！工作上OK，見面亦唔尷尬。」至於與Lynn的共同朋友汪圓圓即將結婚，苟姑娘亦不介意同邀任姊妹，她說：「到時環境Relax啲，大家可以傾吓偈溝通吓！」

而城城昨日到赤柱出席汽車活動，對於有報道指Lynn與他發展前曾向內地男模悔婚，城城開腔力撐舊愛，指報道刻意中傷，又承認目前單身，與Lynn分手只因性格不合：「希望Lynn搵到更適合、令佢更幸福嘅人，祝福佢。」同時強調雙方再見亦是朋友：「大家好了解對方，Lynn喺我心目中係好朋友，永遠都係。」