千嬅扮學生妹玩殘阿樂

出爐影后楊千嬅及余文樂前晚一同出席開幕活動，化身「學生妹」的千嬅把阿樂的戀情擺上枱，令阿樂無力還擊，笑爆全場！而蜜運中的阿樂亦公開大讚女友吳雨霏形象百變。

楊千嬅與余文樂前晚以代言人身份出席《UNIQLO全球旗艦店開幕派對》，分屬好友的二人甫見面即密密傾。千嬅以白色恤衫配黑色背心裙現身，頓時變身「學生妹」，她說：「今日係學生Look，老公丁子高都好鍾意呢啲新鮮同簡單嘅打扮！」而樂仔一見千嬅即笑說：「好學生妹呀！」不甘示弱的千嬅出口反擊：「你鍾意呀？送套畀你返去咪可以日日對住囉！」笑爆全場。

其後千嬅與阿樂受訪時，阿樂被問到可喜歡女友吳雨霏（Kary）作學生妹打扮？他笑說：「呢啲唔係人人可以Carry到，但Kary就Carry到，你兜口兜面問唔通話唔係咩？」再追問是否喜歡？他不忘大讚女友：「我麻麻哋！佢咩Look都得。」

提到老友郭富城與熊黛林（Lynn）結束七年情，有指城城的朋友不喜歡Lynn，問到阿樂是否不喜歡Lynn？他說：「冇接觸過Lynn，我同城城都好耐冇見面，不嬲唔理朋友嘅私人事，報紙同雜誌寫嘅一向淨係信一半。」

女友融入朋友堆

身旁的千嬅再出擊問：「咁你啲朋友鍾唔鍾意你女朋友？」此話一出，阿樂只不停狂笑，隨後再讚千嬅：「條問題問得幾好！融（入）緊喇、融（入）緊喇！」提到有指彭浩翔有意找周潤發及鍾楚紅合作飾演阿樂父母，阿樂說：「做媽咪唔係幾適合，絕對可以做情人！如果真係可以合作就正！」