新劇遭網友嗌腰斬 祥仔:我都知賴嘢!

三屆「視帝」黎耀祥主演的劇集《神探高倫布》,近期被網友插爆要求無綫腰斬,不過劇集要播至下月10日才結局,觀眾似乎有排捱!祥仔昨日在將軍澳電視城開工時說:「我都知賴嘢,但係我冇所謂嘅,聽天由命啦!會吸取教訓,自己享受拍攝過程,唔介意人哋點睇,好與壞冇標準,公司想試新嘢,拍嗰陣都知道呢套係試驗品。」問到可擔心打爛金漆招牌?他笑說:「唔怕!自己都冇咩招牌,每次都係努力做到最好。」

同樣在電視城開工的馬國明,昨日為劇集《On Call 36小時II》開工,提到去年奪得「我最喜愛的電視男角色」後,外間認為他今年可以更進一步,不過他主演的《衝上雲霄II》卻未獲安排為台慶劇,反而編排在檔期較差的暑假播放,他說:「我都以為會係台慶劇,因為又有吳鎮宇,又有張智霖,不過做演員就係咁被動,呢啲嘢控制唔到。」

黎耀祥享受拍攝過程,觀眾對劇集的反應如何,只能聽天由命!