莊思明翻撻陳司翰：結婚至講！

港姐莊思明被《好報》踢爆與陳慧琳弟弟陳司翰分手不足一年，近日成功翻撻，雙雙在銅鑼灣Sweet行街Shopping。莊思明昨日接受電話訪問時被問到翻撻一事，她刻意低調地說：「唔講啦！決定咗今後唔講感情，到有朝一日我結婚至講，唔想見親報都係回應戀聞，我哋都有努力工作！（你哋依家乜嘢關係？）良好關係！我依家忙緊拍《愛．回家》，之前《星夢傳奇》試音唔知入唔入到圍，始終公司咁多人參加，不過我十年前參加過歌唱比賽《亞洲新人王》，都得過季軍o架！」