杜琪峯食醫師餐單減肥

除了發哥到佐敦看中醫外，《好報》發現發哥好友杜琪峯於發哥看醫生後兩日，現身同一間中醫診所，原來杜Sir已光顧同一中醫師三年多！他透露早年因吸煙令體質變差，故開始注重養生接受中醫調理：「依家盡量每日跑步個多小時，依家減至160磅。醫師係有飲食餐單，不過係全戒澱粉質，所以只可以食三個星期，之後就要靠自己。」他表示已戒煙：「年紀都唔細，要注意身體健康喇！」而經杜Sir介紹，張兆輝亦是常客，他指自從拍畢無綫劇後，開始看中醫調理身體：「個中醫話唔使把脈就知我乜事，佢話我拍戲多年積埋唔少火，脾胃欠佳，又話我淨係飲凍嘢、唔食飯，中醫話中國人一定要有米氣，我都聽佢講，日頭食飯，夜晚唔食，之後做運動都覺得自己有氣力咗。」談到發哥的養生之道，他說：「佢生活習慣好好，而我仍然要搵食，時間難控制。」