陳自瑤畀蕭正楠「撕」暴

最近無綫劇集的強姦戲幾乎「無處不在」，已為人母的女藝員陳自瑤（YoYo）亦有一場慘遭蕭正楠（Edwin）意圖強姦的戲份，她透露被對方激動扯爛衫，露出內裏的黑Bra，令全場工作人員嚇到呆！Edwin則表示要向YoYo及其老公王浩信「耍冧」。

近年，無綫的劇集愈來愈重口味，正拍攝的《巾幗梟雄之諜血長天》中有不少強姦戲，除主角胡杏兒及黎耀祥壯烈「犧牲」外，連陳自瑤（YoYo）亦走唔甩！YoYo昨日出席親子活動時透露，劇中被蕭正楠（Edwin）意圖強姦，因要1 Take過，Edwin投入得出盡力扯爛她上衣，結果令她露出黑Bra，YoYo說：「全場都呆晒，估唔到扯爛咁多，我個反應都好真！（怕個Bra唔配合日戰時代？）我係演有錢女，有Bra都啱嘅。（向老公王浩信備案？）佢知有呢場戲，但唔知咁犀利。」

至於Edwin昨日接受電話訪問時表示，要投入角色所以沒有辦法，並向對方致歉：「對唔住王浩信，都要同YoYo講唔好意思，事前問咗佢有冇打底，佢話有，點知扯爛咗件衫。（唔敢睇？）我係要擰轉面做，扯完先知道發生咩事！佢反應都好真實！（怕太激唔可以播？）應該OK，唔好浪費佢咁努力嘅演出。」

為囡囡搬屋

另外，YoYo與現場多名小朋友打成一片，大晒母愛。她透露女兒差不多一歲，剛上Playgroup，問到囡囡有否扭計？她說：「有喊，但表現算唔錯！嚟緊會幫佢報班學面試，希望考間好嘅幼稚園。（為囡囡搬屋？）或者會，去個好啲校網嘅區。」