張衞健望細佬浪子回頭

近日被患抑鬱症的弟弟兼前經理人張衞彝（Henry）開記招追討20%佣金（約2千萬元）的張衞健（Dicky），前晚專程由杭州回港，擔任好友吳國敬和鄧建明《Man's Icon Concert 2013》演唱會尾場的嘉賓，台上Dicky未受事件影響，繼續大放笑彈，但騷後他在後台首度現身回應近日Henry對他的指控：「我已經唔係第一次畀家庭成員傷害，之前我一直沉默，係因為我視保護家人為天職，但今次係媽媽主動想澄清還我公道，所以我哋前一日發聯合聲明，而我從來冇虧欠家人任何嘢，一直盡孝盡義，希望有一日佢會浪子回頭。」

Henry：做舊鐵唔得？

而Henry昨日接受本報電話訪問，他自言已伸出破冰之手，把要求由20%減到15%，談到Dicky慨嘆他恨鐵不成鋼，Henry說：「叫佢講清楚，我係想安分做舊鐵得唔得？我一直等緊媽媽同Dicky回覆，但都係冇！」