偉仔讚開竅阿澤受寵若驚

杜汶澤與張家輝雖然失落影帝，但大方出席相關慶功宴祝賀得獎者。阿澤獲偶像梁朝偉點名讚演技「開竅」，令他相當驚喜，他說：「能夠同佢入圍角逐影帝，真係夫復何求兼榮幸啦！（秋生喺台上『數』你喎。）佢係黃秋生，真係講咩都得，算錫住我o架喇。（秋生加盟英皇喎。）老闆咁大盤生意，日日買咁多貨，我點過問呀？恭喜佢加盟囉！」

至於家輝則笑說：「今次套戲年頭上映，等咗咁耐。好似件衫洗完，乾咗又再洗濕咁，邊度有人仲想着呀？」他表示今年將有不少有質素電影作品出籠，相信明年可以捲土重來。談到秋生揶揄其身高，他笑說：「咁佢幼稚啫，高又唔係大晒！」

失落影后的江若琳小睡3小時後，即返內地繼續拍劇，更在網上鳴謝贊助商悉心為她打造金像獎造型。