Shirley契個仔畀志偉

曾與曾志偉傳緋聞的關淑怡（Shirley）昨晚畀面出席志偉生日派對，佔兩席的Shirley未有帶囝囝到場，問到何不帶同囝囝一同到賀？她說：「今晚帶經理人嚟，唔明點解有關志偉嘅事都講我個仔，今日志偉60歲生日，如果覺得開心咪帶個仔做佢契仔！（介意人哋咁講？）自己澄清過，只係大家拎嚟講，開心冇所謂！」問到是否可立即帶囝囝到場？Shirley臉帶不悅地說：「佢要返學！」又強調兒子根本不認識志偉兼從未見面。

而早前與志偉傳不和的梁漢文（Edmond）亦有到場，問是否破冰？他說：「根本冇咁嘅事！」還反問記者：「仲相信呢啲傳聞？唔使證明，在心中，唔使交代，大家有眼睇！」Edmond表示日前才收到邀請，問是無綫還是志偉請？他說：「邊個請都嚟！」