軒仔埋英皇陣營陪阿Sa去頒獎禮

蔡卓妍（阿Sa）、張敬軒及杜汶澤齊齊行紅地氈，恍如兩王一后般，阿Sa穿上Tube Dress上陣，不過身材明顯纖瘦不少，她坦言裙子昨日才到手，問是否沒時間改，她說：「冇辦法，我都瘦咗好多，依家100磅以下，全身都瘦，好多衫都要改，都冇得擔心咁多。」有指早前北京跳水有酬勞，她承認並指乃慈善節目，善款會捐到山區給小朋友，故做善事做全套，將酬勞全數捐出。另外，問她有否到橫店探男友陳偉霆，她笑說：「我唔話你知，不過之前我去內地做嘢，佢都有叫我唔好食家禽，唯一可以食打邊爐，乜都熟晒。」

纖瘦不少的阿Sa被杜汶澤取笑平時胸部冇肉，現時更甚，阿Sa即說：「邊度係呀！嗰度冇乜點變。」阿澤說：「拎出嚟睇吓！」她笑說：「咁又唔得喎！我怕醜。」而張敬軒被問到以此姿態上陣，是否代表已加入英皇，他說：「遲啲有消息會公布，其實仲欠啲細節，希望暑假前有消息畀大家。」