「影後」祖兒戰升胸Baby
穿上露背裝的容祖兒（Joey），昨晚出席「華鼎獎」大騷白滑玉背，火併勁晒事業線的Angelababy、熊黛林（Lynn）及黃婉曼等，而黑花透視裙的孫佳君則透T-back迎戰。
容祖兒昨晚以露背裝出席「華鼎獎」盛會，被封為名副其實的「影後」，她表示雖然抱恙在身，但亦想支持電影界盛會，她說：「我病情告急，之前同媽咪跑步冷親，依家全家病晒，要自行隔離，出去做嘢我雖然戴唔到口罩，但我都有預備定派畀現場工作人員，唔好傳染。（因病少見男友？）連普通朋友都少見咗，又的確係好耐冇見。（冇見兩個鐘都覺耐？）梗係唔只兩個鐘啦！呢期我個個禮拜都要返內地做嘢呀！」
Baby則以Alexander McQueen長裙性感示人，勁晒三吋事業線的她，更被發現露出黑Bra，她說：「條裙啱啱到，街都未有得賣。（問准男友至敢着？）我都有審美眼光，性感冇問題，但要睇場合。」
溫碧霞呻拍戲困身
溫碧霞以設計師朋友的薄紗裙作品亮相，向來慣了性感示人的她說：「我都好鍾意設計，有諗過去讀Design，但係拍戲太困身，抽唔到時間讀書，冇辦法圓夢。（今晚咁性感，做足打底工夫？）唔好成日講呢啲，你哋冇其他嘢問我嗱？」說罷扁扁嘴，大發嬌嗔。
此外，白裙衛詩雅、黑花透視裙孫佳君則分別露Bra邊及透T-back，穿上Burberry晚裝熊黛林，大晒心形胸及四吋事業線，黃婉曼則拋胸加露腿搶鏡。
祖兒以黑色露背晚裝赴會，一度被風吹起裙子。
Baby穿上Alexander McQueen露肩長裙，勁晒事業線。
熊黛林穿上Burberry晚裝大晒心形胸及四吋事業線。
溫碧霞（左）和孫佳君齊齊行紅地氈，後者更透T-back。
黃婉曼穿起一身金衣裝拋胸露腿，搶盡風頭。
低胸長裙的冼色麗，清純可愛。
范曉萱以泰山裝上陣，更露出手臂超搶紋身。
