黃凱芹難忘克勤鼓勵

歌手黃凱芹最近於有線節目《明星私相簿》公開珍貴舊相，談到當年「勁敵」李克勤，他說：「我同克勤係同類型歌手，多年來外界當我哋係敵對，講到好似天生就係敵人，其實我一直當克勤係好朋友。」他又表示難忘克勤邀他擔任個唱嘉賓：「不過當時我太耐冇踏台板，同佢講我好驚同緊張，點知佢即刻叫觀眾畀多啲掌聲鼓勵我。」他又分享與電台同事的舊照，直言由DJ變成歌手是其人生轉捩點。