陳國峰開舖唔請香香 蔚雨芯句句寸JJ

藝人陳國峰與無綫J2台監製謝英偉（Kent）開設的拉麵店「巨一麵堂」昨日開張，多位歌手及藝員好友如王梓軒、白健恩、沈震軒、蔚雨芯及狄易達等前來道賀。

蔚雨芯被指因賈曉晨（JJ）離巢而受力捧，轉行性感，她作出否認：「上年一直都多嘢做，不過默默耕耘冇人知，係我行性感之後多咗人留意。祝福師姐，雖然佢近日嘅報道唔係咁正面，不過佢愛情事業兩得意。」狄易達則表示不知JJ動向。

首次做老闆的陳國峰既興奮又緊張：「個名係Kent哥改，佢諗住我《巨聲幫》出身，所以用『巨』字，我哋幾個Partner投資咗七位數字。（叫緋聞女友岑麗香捧場？）費事搞到佢，怕佢尷尬。（香香話唔尷尬！）咁我驚尷尬，佢都有恭喜我。」