偕囡囡遊維也納 琦琦驚遇佗槍怪客

名模琦琦與女兒任晴佳（Ella）早前到維也納歡度復活節，她倆前晚返港，琦琦透露在當地遇上手槍驚魂：「有日我同Ella去公園玩足3個鐘，突然間，我見到有個男人褲袋插住支手槍，即刻好驚，唔敢同Ella講，驚Ella會望住個男人，怕有眼神接觸有危險，我咪作狀叫Ella追住我，跑到好遠先敢同Ella講，以前我喺度住咁耐從未見過有人佗槍出街，所以真係好驚。」雖然琦琦成功避開神秘男子，但愈跑愈遠，竟然迷了路。

沒有同行的任達華，前晚往機場接機，華哥一見Ella抵達，即開心得抱着女兒，他說因首次執導的電影進入後期製作，才未能同行，雖已捱了多晚通宵，但他仍大呼過癮，說腦海裏經常有很多不同的想法，終於明白導演和演員的分別。他透露早前曾到長白山拍外景，對於內地H7N9禽流感疫情持續擴散，他說：「唔擔心，最緊要衞生啲，平時食嘢都好小心嘅，唔驚得咁多。」琦琦表示在返港航機上，見到不少港人佩戴口罩，覺得港人驚覺性很高，故不太擔心。