出招禁男友搵食

吳千語昨日出席nowTV十周年活動，大會安排兩名半裸猛男與她合照，問到是否滿意這份「禮物」？她靦腆地說：「都OK啦！不過我覺得佢哋好凍囉！」談到正在內地拍劇的林峯日前返港一天，千語坦言有與對方飯敍，對於阿峯擔心病毒肆虐，禁止她返內地探班，千語說：「我自己都有工作，應該唔會去，但我準備咗啲食物畀佢帶番去，最主要係可以自己煮，唔使出街食。」她甜笑指男友饞嘴，所以會叮囑男友小心飲食，不要進食內臟。

活動期間千語被同場的梁思浩指會於今年內結婚，她說：「思浩講笑啫！我得20歲咋（10月才滿20歲），結婚嘅嘢太遙遠，要長時間計劃。（視林峯為結婚對象？）咁佢好好、尤其對小朋友好有愛心。」上台時被問擇偶條件，千語說：「最緊要有情趣，為人幽默，鍾意去旅行，大家一齊搵嘢食。」結果被司儀區永權取笑：「真係好鍾意旅行喎！」她尷尬地說：「咁可以休息放鬆啲。」