Jocelyn勸喻上堂 灌輸正能量

與Alice B.分屬好友的名模Jocelyn，昨晚接受電話訪問時坦言得知對方患抑鬱病：「前排出席活動時見過Alice，佢有同我講過件事，自己都想盡力去幫佢！因為我兩年前開始上正能量工作坊，希望佢都可以同我一齊上堂，咁就可以幫佢搵出唔開心嘅原因，然後將體內嘅負能量全部整走晒！希望遲啲大家夾到時間一齊上堂。」

曾與Alice B.合作的名模Cara G.得悉事件後則大表愕然：「我唔知佢有抑鬱，成件事好可怕！我好明白佢嘅感受，因為十幾歲嗰陣都試過患抑鬱，當時除咗睇醫生同食藥外，都有成日去旅行放鬆一下！我會建議Alice搵屋企人陪佢，畢竟屋企人對我哋好重要！」