Alice B.陷抑鬱借錢度日

「第四代Canon甜心」Alice B.因受母親病情困擾，壓力爆煲兼玩「失蹤」！事隔多月，近日她露面接受本報專訪，承認因壓力致抑鬱，除了暴瘦、甩頭髮及喪喊外，她還因推Job而陷財困，入不敷支下要向朋友「撲水」，更因此與富二代男友分手！

繼「警鐘胸」Jessica C.、Paula T.及Melanie Z.三位「Canon女」後，擁有32B上圍的英泰混血兒Alice B.於2011年拍攝同一相機廣告後彈出，加上胸前的蝴蝶紋身，成功俘虜不少宅男。為了搵錢幫患有肌肉萎縮症的母親醫病，她還密密接Job，但去年底因母親病情轉差，Alice變得心情低落兼暴瘦，其後更突然「消失」近四個月，鮮有露面及工作！她的Facebook亦發現有朋友以英文留言指找不到她，打電話都是關機狀態。

直至近期，Alice再次活躍於Facebook，卻向朋友說：「Needs to make MONEY！」似是非常等錢使。日前，記者聯絡上Alice接受專訪，見其身形及面形比之前更加瘦削，上圍大縮水兼胸前見骨，髮線亦上移不少。經多番慰問後，Alice終承認因母親病情連月反覆，壓力爆煲導致抑鬱，經常以淚洗面，更暴瘦近10磅︰「當時我每日都好唔開心，仲成日喊，壓力太大到抑鬱，仲有甩頭髮，而且瘦咗好多，差不多有10磅。」

除了情緒跌至低點，Alice還要推Job停工照顧在倫敦養病的母親，零收入下陷入財困︰「因為太大壓力，所以唔想對人，而且仲冇收入，但我要生活，所以之前要向身邊朋友借錢！」不過未必個個肯出手援助，她表示當向身邊朋友求救時，認清誰是真心朋友，她無奈地說︰「我以前搵到錢，唔介意花費喺朋友身上，但當我向佢哋借錢，你會分到邊啲係真心朋友，邊啲會去幫你。」同時因「講錢傷感情」，Alice與富二代男友Joseph搞到分手，她亦暗示與錢銀有關，說時一臉愁容︰「依家我係單身，同佢嘅事唔想講太多！其實前男友都知道我嘅狀況，有嘗試去幫我，但我感到唔太好受！」

退休父親兼職接濟

返港後，Alice惟有向已退休的父親借錢度日，她哽咽地說︰「我爸爸已經退休，但都肯借錢畀我！其實佢已經退休，依家都要做兼職幫補吓。」雖然等錢使，但她堅拒出賣身體搵「Dirty Money」，幸好她坦言狀態已見好轉，除了睇醫生外，還於家中畫畫調整情緒，Alice說︰「之前有睇醫生，坐喺度等佢輔導我，而且經常畫畫減壓。雖然我依家冇錢，但我覺得比之前開心咗。」

姓名︰Alice Burns

年齡：22歲

血統︰英泰混血兒

三圍︰32B、24、35

入行︰16歲時加入泰國模特兒界，2011年轉戰香港，同年與葛民輝拍攝第四輯相機廣告後人氣急升。