青霞天愛握手擁抱

富豪邢李火原愛女邢嘉倩開學校，親母張天愛與繼母林青霞齊撐場，兩人難得聚頭毫無芥蒂，還親切地擁抱及握手，與嘉倩感情要好的青霞更揚言：「畀親生還親。」

邢李火原與張天愛所生的女兒邢嘉倩開設的Bebegarten幼兒教育園地昨日開幕，林青霞、張天愛與父親張有興、霍啟山、鄧愛嘉與男友、林子祥和王敏德一家等捧場。青霞穿上粉紅中褸，到場即與記者揮手，被指有第一夫人風範的她開心地說：「多謝晒！」現場所見，青霞與張天愛見面時即惺惺相惜，還互相擁抱及握手。

而青霞對嘉倩呵護備至，猶如親生女，她說：「我好Proud Of有呢個女，細個同佢喺床傾偈，佢已想開幼稚園，做父母覺得如果仔女開學校一定最放心，所以好鼓勵佢，佢亦好叻女，我冇乜畀意見，只係佢有壓力有心事我就會開解佢，我覺得好幸運，佢成日同我講心事，畀親生更親。（親過佢同張天愛？）咁唔好咁講。」另外，有傳青霞復出拍戲，她否認其事，並

表示平日忙於寫文章。

張天愛同樣為女兒感到驕傲，大讚嘉倩主動好學、有遠見：「我都畀好多意見佢，佢比較靜，以前唔鍾意社交活動，教佢思維要健康，社交亦好重要，就算喺最可憐最窮嘅人身上都有得益。」至於有否在金錢上支持她，天愛說：「唔需要，好多嘢佢搞掂，全部都係佢鞏固番嚟，佢爸爸都畀咗好多意見佢，我哋嘅角色係畀錢畀機會，之後靠佢自己，唔可以好似警察咁監視佢。」

有如BB出世

邢嘉倩則透露籌備此學校兩年，昨日開幕有如BB出世，感覺心想事成，並表示兩個爹哋（邢李火原與羅素）、兩個媽咪（張天愛與林青霞）及公公張有興都給予不少意見：「佢哋教我做嘢要有恒心，如果做老闆咩都唔肯，公司唔會企得穩。」繼而透露爹哋不在港而未能出席。