醉貓Ronald想再劈 醒目老婆勒令返歸

鄭中基（Ronald）自上月底約滿金牌大風後，決定不再續約，外闖自組工作室，在影圈大展拳腳。日前凌晨一時半，其座駕泊在尖沙咀，未幾飲到腳步浮浮的Ronald從樓上吧步出大廈，同行除了老婆余思敏外，還有數名男女友人，相信是一起傾生意。儘管Ronald已飲到啤啤夫，但他兩杯落肚仍未夠喉，又高呼：「仲去邊度飲？」

余思敏見勢色不對即叫停老公，還唔畀面當街命令Ronald：「上車啦！」登時當頭棒喝一樣喚醒老公。而Ronald亦在老婆攙扶下上車，再由司機接載返歸。