亞姐姚嘉雯去年秘嫁地產商

08年亞姐冠軍姚嘉雯（原名姚佳雯）去年與31歲的李姓地產商人在內地秘密結婚，日前在西安補擺喜酒，婚訊才通天！男女家分別在西安設宴，男家大排筵席60多圍，女家則設宴20多圍！嘉雯接受電話訪問時被問到突然結婚，她說：「唔係突然，我哋拍咗拖年半，大家覺得好投契，舊年已經註咗冊，本來想低調啲只係簽字結婚，但雙方家人都想我哋擺酒，所以今年先補擺喜酒。」

現年28歲的姚嘉雯終如願在30歲前出嫁，談到老公求婚經過？她笑說：「佢上年特登準備咗煙花求婚，邊放煙花邊求婚，好浪漫感動，但我笑佢乜咁似電影情節，係咪抄人o架？哈哈！（疊埋心水做少奶奶？）唔會，我好鍾意做嘢，嚟緊為亞視拍攝節目。」

另外，其舊愛陳展鵬日前現身機場時，被問到姚嘉雯嫁人？他說：「你哋講我先知，當然恭喜佢，祝佢幸福快樂。（請你飲會去？）唔會喇！人哋有另一個家庭，總之大家係好朋友啦！」