麥貝夷的骰耳環儲開有鋪癮

未必每個女仔都對飾物情有獨鍾，但歌手麥貝夷（Karene）平日最愛收藏耳環，只因兒時的一個心結。Karene回想起童年時貪靚想釘耳窿，但遭媽咪反對，她說：「媽咪唔畀我釘嘅原因係耳仔有穴位，如果第時身患絕症，釘咗就冇得按穴位。嗰陣我梗係唔信啦！自己偷偷哋去釘，釘釘吓就有三個耳窿。」最後Karene的媽咪生了她一個月氣，但她的第一對耳環卻是她媽媽送的鑽石耳環，之後每次見到靚耳環都忍不住買，不知不覺已儲埋逾百對耳環，她說：「粉絲知我鍾意儲耳環，有時都會送畀我，啲款好多時都係簡單一粒，因為我兜風耳，唔適合戴大耳環。」