陳庭欣美人生鬚鬥樣衰為樂

港姐出身的陳庭欣（Toby）一向給人的印象是高貴大方，出席大小場合及節目例必以最靚的一面示人，但古靈精怪的Toby竟犧牲美貌，以各款道具扮出騎呢樣，而今次的主角就是燒烤必備的龍蝦丸、芝士腸及大蝦！難得放假，Toby相約三五知己到長洲燒烤，手多多的她拎起芝士腸扮「美人生鬚」。當她一發現龍蝦丸、大蝦及長洲特產大魚蛋時，竟想到變身「鹹蛋超人」娛人娛己，認真搞鬼。

問到表情豐富的Toby平日有否與朋友分享扮嘢照片？她說：「我哋喺生日會最鍾意影呢啲相，好似之前同莊思明都試過鬥嘴長，但影完相都唔敢擺上網，因為太樣衰！不過間中會Send畀對方睇，提醒佢影過啲咁嘅相。」

陳庭欣竟然生鬚？原來她只是用兩條芝士腸扮嘢。

無論是龍蝦丸、大蝦還是魚蛋，陳庭欣攞上手一樣可以整古做怪！