何雁詩「高」手過招

「巨聲幫」何雁詩年紀小、個子小，但來頭絕不小，年僅20歲已多次奪得高爾夫球賽冠軍，曾經全港排名第一，更於2010年代表香港參加亞運會。6歲便接觸高球的她，為高球犧牲苗條身材和白皙皮膚，更試過打中鼻爆缸！但她仍感激家人逼她從小學高球，令她有不同的人生。

何雁詩（Stephanie）的高球生涯始於6歲，她憶述當年打高球只是一家人於周日的指定活動，10歲時誤打誤撞入選香港隊，12歲更贏得第一個高球冠軍，她說：「細個試過發脾氣唔肯練，搞到爹哋好嬲，喺訓練場唔理我開車走咗。」不過Stephanie依然非常感激家人鼓勵她從小練習高球：「好多嘢都係喺打Golf當中學番嚟，無論周圍有幾多障礙，我都淨係睇到我嘅目標，建立咗自信，令我做咩都要相信自己可以！」

操肌唔瘦得

打高球要有氣有力，因此高球手通常非常健碩，Stephanie說：「打Golf通常肥，因為運動量唔算大，教練都會叫我哋食多啲嘢儲多啲脂肪同肌肉，加上又要做Gym，又飲蛋白質奶粉，所以一路都瘦唔到！」今時今日的女藝人均以瘦當道，身材標準的Stephanie，入行後突然暴瘦至80磅，一度令高球生涯陷入低潮，她說：「瘦嗰陣成個人都好唔開心，好冇胃口，又冇力打唔到波，之後發覺要搵個平衡，健康好緊要，依家肥番少少，人都開心啲！」

擊中鼻爆缸

Stephanie自爆十歲時試過被高球打中：「嗰陣喺高球場，突然有個波飛埋嚟打中個鼻，流到全身都係血，好恐怖！」她笑言這一擊提醒她打球時一定要大嗌，叮囑途人小心。