姜麗文山下智久拍過拖？

身為歌手的秦沛愛女姜麗文（Lesley），自爆近日作歌送給前男友，對方更是日本當紅歌手，據知當年山下智久來港開騷時，兩人曾經私下見面，關係非比尋常！

姜麗文（Lesley）昨日到電台接受訪問，宣傳新歌《Forever》，她透露新歌對象是19歲時拍拖的前男友，在節目主持窮追猛打下，她口快快自爆前男友是日本樂壇紅人，問到對方身世時，她說：「佢係Johnny's（尊尼）事務所嘅，公司對旗下藝人有好多規條，嗰時就算想同佢去飯堂食飯都唔可以一齊入，要等佢上樓先，我就喺樓下扮出入升降機幾次先上得，最後覺得太大壓力分手。」不過她始終未有供出對方名字，只透露他曾作團體以及獨立發展，又指與對方仍然是好朋友。

根據Lesley所述，估計其前男友可能是山下智久，山下現時為尊尼事務所旗下藝人，2003年出道時以組合NEWS亮相，直至2011年單飛發展，與Lesley所述的背景脗合，加上當年Lesley到日本留學，曾於日本NHK電視台任職兒童節目主持而認識山下。

來港開騷兄妹撐場

而山下前年來港開騷，Lesley與哥哥姜文杰亦有撐場，山下亦有抽出寶貴時間與Lesley敍舊，Lesley隨後更上載對方手執她與哥哥新碟的照片，並寫上：「山下智久叫您們買我們的唱片。」足證兩人關係非淺。