區文詩 操Fit化身性感Queen

歌手區文詩（Angela）最近推出跳唱新曲，為化身性感女王，她早前特別請來私人教練，每星期至少操練兩日，眼見Angela拱橋、舉機做到有板有眼，連教練都大讚她進度理想！

久未推出跳唱歌曲的Angela笑言操練有如「回春」：「感覺好似返咗去10年前Cookies嘅年代，成班女仔一齊跳舞，諗起都覺得好青春！」她又大賣關子說：「呢首歌嘅女人味重啲，而且舞衣比較少布，大家密切留意！」另外，Angela大呻經常練到腰痠骨痛，幸得男友鼓勵，幾痛都補番數。