陳志健扮自閉 望帶正面訊息

無綫藝員陳志健（Otto）在劇集《仁心解碼II》中飾演陳茵媺兄長，角色患有自閉症兼細膽怕事，但記性超強，其演出獲不少網友讚賞，他表示曾探訪自閉症人士，盡量揣摩他們的舉動，亦在造型上花了不少心思，特地剪了個椰殼頭及戴遠視眼鏡：「個角色畫素描好叻，都專登去學咗十堂畫畫，最想帶出正面訊息，等大家知道精神或者智力有障礙嘅人都有可愛一面。」

而Otto曾在《仁》第一輯中飾演智障人士，同樣令人留下印象，問到會否想拍一輯類似《阿甘正傳》的劇集？他說：「等公司安排，好Enjoy演呢啲特別嘅角色，最多謝珍姐（曾勵珍）有睇我演出，監製羅永賢又繼續用我。」