羅泳嫻畫出成功感

無綫藝人羅泳嫻除了愛美容及跳舞外，原來畫畫也甚有天分，她大概於一年多前開始學畫畫，現已頗有成績，日前有買家出價逾萬元買她的畫作，令她十分開心：「有人賞識我買我嘅畫，當然開心，細個嘅時候，已經好鍾意睇黃玉郎嘅漫畫，曾經有諗過做畫畫嘅工作，但屋企人希望我好好讀書，之後出嚟工作入咗TVB，我都想繼續進修吓，前幾年去咗日本美容藝術大學讀書，近年就開始學畫畫。」

羅泳嫻透露很喜歡畫古典畫如達文西的畫作，曾試過畫了一幅聖母抱耶穌的畫，背景是地下鐵車廂內：「因為我想將耶穌融入現代生活中，用地鐵車廂做背景，可以帶出呢個構思，張畫畫咗出嚟後，大家反應幾好，有唔少人想搵我幫手畫畫，令我好有成功感。」