羅力威終奪無綫冠軍歌

《亞洲星光大道》出身的羅力威，加盟英皇娛樂一年多後，終在無綫《勁歌金曲》中首獲歌曲冠軍，他坦言受亞視出身影響，但亦感能在兩台很幸運。他又大讚緋聞女友雨僑的豐胸教學短片夠專業，但未有留意對方有否「升Cup」！

歌手羅力威（Adason）前晚錄影無綫節目《勁歌金曲》，出道一年的他終於憑新曲《三人行》獲得無綫首個歌曲冠軍，問到會否覺得該獎來得太遲？他說：「唔遲！希望繼續攞。（亞視出身受影響？）唔多唔少有啲，但自己都好幸福，嗰邊（亞視）攞冠軍，呢邊（無綫）又攞冠軍，兩邊唔同制度，我都知恩，覺得自己音樂路上好順利！」

自嘲節目終結者

對於緋聞女友雨僑上載豐胸教學短片，問可覺對方「升Cup」？Adason尷尬地說：「冇留意，呢啲係女人睇。（有試手感？）呢個問題太開放。（佢正經教，做乜尷尬？）佢係專業嘅表現。」由於《勁》是改革前最後一次錄影，Adason又自嘲是「節目終結者」，監製麥鎮東則透露節目會加長至一小時，並改以Talk Show形式兼由鄭丹瑞主持，更會邀請經理人及唱片公司高層等在節目中爆料。

同場的賈思樂表示很難邀得好拍檔露雲娜合唱及出靚聲碟，發了無數短訊才能成功打動對方，他又指相隔二十八年再於無綫重聚，感覺跟當年一模一樣。