陳山聰去年拍畢無綫劇《天梯》後，便疊埋心水與女友超雲印印腳遊世界，有指「唔憂做」又冇工開的他與無綫的合約暫時凍結，無綫高層樂易玲亦曾指山聰「無心拍劇、無心戀戰」。至去年十二月《好報》獨家披露山聰跟超雲吵大鑊，而他毅然致電樂易玲要求「復出」拍劇。問到二人再傳「分訊」，樂易玲昨日透過電話表示未有聽聞，又直言跟山聰冇聯絡，但指山聰仍屬無綫藝員：「如果佢想返無綫，我哋都歡迎佢，有啱嘅工作我哋都會搵佢做。」
超雲（左）曾陪男友山聰與樂易玲飯敍，並獲對方邀請拍劇。（資料圖片）
