橫店開工林峯洗手又洗手

林峯、黃宗澤及廖碧兒正身在橫店拍劇，各人均已做足防疫措施，與消毒液相依為命的林峯說：「都冇得話擔唔擔心，唯一可以做係勤啲洗手，再帶埋消毒液傍身，同埋留意疫情變化。」

黃宗澤則「自行家居隔離」，他說：「阿媽都叫我小心，我好少外出，食嘢都係買啲菜返嚟自己煮。禽鳥可避則避啦！我喺呢度開工開到10號，都唔使特別提早返香港嘅！」

廖碧兒則驚訝內地人竟可從容面對疫情：「我留咗喺內地兩個月，我知內地有確診個案，但呢度啲人仲好似唔多警覺咁。我依家Keep住用消毒藥水洗手、唔使埋位就戴口罩。（提早返港避疫？）未知幾時拍完，但拍完即返！」 剛到橫店準備拍劇的Angelababy說：「我會密切留意疫情嘅新聞，自己會加緊預防，會食維他命同戴口罩防範。」